Доколку немате идеја за следниот ручек, наш предлог е запечен компир со јајца. Се подготвува лесно и брзо, а состојките сигурно веќе ги имате во кујна.
Состојки:
- 4 поголеми компири
- 2 главици кромид
- 2 чаши вода
- 2 дл масло
- малку сув зачин
- сол
- бибер
Состојки за прелив:
- 3 јајца
- 4 лажици брашно
- 4-5 лажици масло
- сув зачин
- бибер
- вода
- 100 гр кашкавал (по желба)
Начин на подготовка:
- Во огноотпорен сад ставете сечкан кромид, па додајте компири сечкани на листови, зачини и масло и сè измешајте со раце. Потоа налијте вода, па ставете во рерна на 250 степени да се испече.
- Потоа разматете прелив од јајца, масло, зачини и брашно и сè прелијте преку испечените компири. Вратете го садот во рерна да се запече.
- На жешките компири можете да изрендате и малку кашкавал.
Добар апетит!
Цезар салата + 2 рецепта за дресинг соса
Свежа салата која топи килограми и ја враќа концентрацијата
Топ 5 рецепти за пролетни салати со марула
Малиџано – одличен домашен рецепт