Едноставен рецепт за пита со тиква која се топи во уста.
Состојки:
- 500 гр. тенки кори за пита
- 1 кг, рендана тиква
- 4 јајца
- 200 гр. шеќер
- 2 дл. масло
- 1,5 дл. млеко
- ½ кеси прашок за пециво
- 1 ванилин шеќер
- малку рендана кора од лимон
- 1 кесе цимет
- 4 лажици брашно
Подготовка:
- Тиквата преполовете ја, извадете ги семките и излупете ја. Исечкајте ја на помали парчиња за полесно да ја изрендате. Измешајте ја со 100 гр шеќер и цимет па оставете да стои додека го приготвувате намазот.
- Разматете ги јајцата со шеќер и ванила. Измешајте брашно, млеко, масло, прашок за печиво и изрендана кора од лимон.
- Раширете една кора, премачкајте ја со три лажици намаз, ставете друга кора, повторно намаз па трета кора. На неа наредете рендана тиква, свиткајте лесно и наредете на намастена тепсија. Така правете до крај. За крај оставете 3 лажици намаз, во него можете да ставите малку сок кој ќе остане од ренданата тиква.
- Премачкајте ја питата, избоцкајте ја со чепкалка па оставете да стои половина час. Печете во загреана рерна на 220 степени околу 25-30 минути. Печена оставете да се излади. Посипете ја со шеќер во прав.
Прочитај поврзани Gotvi.mk рецепти:
ВИДЕО рецепт: Чоколадна бисквит торта која не се пече
Неговото височество: Топло – ладен колач
ВИДЕО: Рецепт за еклер чоколадна торта која не се пече
Трилече – неверојатно вкусен домашен специјалитет
Најдобар рецепт за домашен чизкејк