Домашно слатко од смокви по рецепт на нашите баби (Видео)

Начин на подготовка:

1. Смоквите измијте ги, отсечете им ги дршките и прободете ги со чепкалка на неколку места за да не пукаат.
2. Во малку вода растворете лимонтус па прелијте ги смоквите и малку извалкајте ги во лимонтусот.
3. Оставете ги 5-6 минути. Во поголем сад ставете 2 л вода па со решетка вадете ги смоквите и спуштајте ги во врелата вода и гответе околу 5 минути.
4. Извадете ги во суво тенџере. Шеќерот ставете го во тенџере па прелијте го со 300 мл вода и гответе да се ушпинува.
5. Ставете ги смоквите да се готват околу еден час. Пред крај додајте половина цеден лимон, а остатокот исечкан на парчиња. Додајте ванила ако сакате.
6. Зготвеното слатко прекријте го со мокра крпа и кога ќе се излади ставете во тегли.