Доколку имате важна веселба или едноставно сакате да направите една од оние стари вистински торти, овој десерт е одличен избор за вас.
Состојки за кора:
- 12 белки
- 12 лажици шеќер
- 18 лажици мелени ореви
- 3 лажици брашно
Состојки за фил:
- 12 жолчки
- 8 лажици шеќер
- 13 лажици брашно
- 1 л млеко
- 1 маргарин
- 150 гр шеќер во прав
- 150 гр мелени ореви
Начин на подготовка:
- Направете три кори: Разматете по 4 белки, 4 лажици шеќер, 6 лажици мелени ореви и 1 лажица брашно. Кога сè добро ќе се соедини ставете во намастен плех и печете на 200 степени околу 20 минути секоја кора.
- За филот разматете 12 жолчки, 8 лажици шеќер, 13 лажици брашно. Сè разматете и додајте во 1 л млеко и згответе. Кога кремот ќе се излади додајте 1 маргарин претходно пенасто разматен со 150 гр шеќер во прав. Добро измиксајте и поделете ја масата на 3 дела.
- Во првиот дел додајте 150 гр мелени или сечкани ореви.
- Во вториот дел додајте 150 гр топено чоколадо.
- Во третиот дел додајте 100 гр кокос.
- Филувајте: Кора, па првиот дел од филот, повторно кора, па вториот дел од филот, повторно кора, па третиот дел од филот.
- Од горе тортата украсете ја по избор, со шлаг, чоколадни трошки или мелени ореви.
Уживајте!
Конечно: Највскуниот десерт за кој даваме куп пари: Еве како да го направите дома
Супер рецепт: Леден кафе колач
Нема веќе стоење до шпорет: Колач без печење, совршен за горештините
Ваков рецепт за сутлијаш немате пробано до сега