Едноставна кремаста торта со чоколадо и шлаг. Богат десерт совршен за секакви прилики.
Состојки:
- 12 јајца
- 400 гр чоколадо
- 250 гр шеќер
- 250 гр мелени бисквити
- 350 гр маргарин/путер
- 500 гр шлаг
Начин на подготовка:
- Разматете путер на собна температура и шеќер, потоа додајте жолчки, растопено чоколадо и бисквити.
- Посебно разматете белки и внимателно соединете со претходната смеса.
- Смесата поделете ја на 2 дела. Еден дел ставете во фрижидер (тоа е за филот), а од другиот дел испечете 4 кори во четвртаст плех или округол со димензии од 22 см. Плехот најдобро е да го обложите со хартија за печње.
- Филувајте на следниов начин: кора, фил, шлаг, кора, фил, шлаг и така додека не го потрошите материјалот. Од горе можете да ставите некое овошје, чоколадо или едноставно украсете по желба.
Уживајте!
Прочитај поврзани Gotvi.mk рецепти:
Трилече – неверојатно вкусен домашен специјалитет
Неодоливо вкусна: Домашна торта со јагоди
Возможно е – еве како да направиш торта за 10 минути
ВИДЕО: Рецепт за еклер чоколадна торта која не се пече
За секоја прослава – Тигар торта