Вистинско освежување: Домашен сируп од нане

Во врелите летни денови не постои ништо подобро од домашен сок од нане кој го подигнува духот и телото.

Освежувачкиот вкус на нане го закрепнува телото, а дава и енергија. Во комбинација со парчиња лимон и мраз делува благотворно на сите наши сетила.

Свежото нане измијте го со студена вода за да ја отстраните прашината. Потоа ситно исечкајте го со ножици или нож. Така иситнето нането измешајте го со 5-6 лажици шеќер и лимонтус. Сè добро изгмечете со раце. Прелијте со 3 л вода и оставете да отстои 24 часа. Потоа процедете низ газа и во добиената течност додајте 3 кг шеќер. Оставете да отстои уште 24 часа со повремено мешање.
Ако не ставате конзерванс, сокот во фрижидер може да стои околу 2 месеци. Или ако не го испиете замрзнете го. Ако сепак ставате конзерванс, тогаш сокот мора да отстои најмалку две недели пред да почнете да го пиете.

Уживајте!