Доколку не сте љубители на месо, еве идеален рецепт за вас…
Состојки:
- 100 гр шампињони
- 400 гр компири
- 100 гр грашок
- 100 гр морков
- 100 гр целер
- 1-2 лажици презла
- 20 гр путер
- зачин
- бибер
- масло
Состојки за бешамел:
- 250 мл млеко
- 50 гр брашно
- 1 јајце
- 2 лажици рендан пармезан
- мускатно оревче
- 50 гр путер
Состојки за панирање:
- 2 јајца
- 50 гр брашно
- 50 гр презла
Начин на подготовка:
- Шампињоните исчистете ги, измијте ги, исечкајте ги на листови и со малку зачин продинстајте ги на 20 гр путер.
- Компирите сварете ги, излупете ги и пропасирајте ги.
- Исчистените моркови, целер и грашок згответе ги во малку солена вода, исцедете ги и иситнете ги.
- Посебно подгответе густ бешамел: на останатиот загреан путер ставете брашно, измешајте, залијте со млеко и кратко згответе. Малку изладете па измешајте јајце, пармезан и мускатно оревче.
- Потоа додајте ги подготвените шампињони, компири, зеленчук и презла. По потреба посолете, побиберете и добро измешајте.
- Од добиената смеса обликувајте уштипци и извалкајте ги во брашно, разматени јајца и презла. Испржете ги на загреано масло.
- Послужете со тартар сос, јогурт или кисела павлака.
Добар апетит!
ВИДЕО рецепт: Ќофтиња од компири и туна
ВИДЕО: Домашен рецепт за паштета од туна која се прави за 3 минути