За подготовка на овој ручек не ви треба многу време, а вкусот е фантастичен!
Состојки:
- 1 кг пилешко месо по избор
- 500-600 гр компири
- 400 гр шампињони
- 2 поголеми моркови
- 2 поголеми главици кромид
- 100 мл масло
- 200-250 мл вода
- 1 лажица сув зачин
- листови магдонос
- зачини по желба
- 1 лажичка сол
Начин на подготовка:
- Вклучете ја рерната да се загрее на 200 степени. Додека рерната се загрева подгответе сад во кој ќе го печете месото.
- Најдобро е ако имате глинен сад со поклоп, во него сите вкусови ќе се измешаат и јадењето ќе биде многу повкусно. Може да ви послужи и огноотпорен сад со поклоп, но ако немате ни тоа ставете алуминумска фолија наместо поклоп, добро затворете ја никаде да не пропушта.
- Исечкајте кромид на парчиња, додајте суви зачини и масло, измешајте па ставете на дното од садот. Преку наредете месо, исчистени и исечкани компири и моркови и од горе „нафрлајте“ шампињони, цели.
- Во водата додајте сол, бибер, магдонос и прелијте преку сè. Испечете па послужете со некоја сезонска салата.
Добар апетит!
ВИДЕО: Како да направите крцкави компири на шведски начин
ВИДЕО рецепт: Ќофтиња од компири и туна