Има денови кога само сакате ручекот да биде готов што побргу…
Овој рецепт е решение за вас. Освен што е едноставен, брзо се подготвува, а толку е вкусен што сите ќе го обожаваат.
Состојки:
- 2,5 кг компири
- 2 дл млеко
- 3 дл кисела павлака Пекабела
- 2 главици кромид
- 50 гр тврдо сирење
- ловоров лист
- 1 чешне лук
- путер
- сол
- бибер
Начин на подготовка:
- Во сад ставете млеко и додајте лук и ловоров лист, згответе 2-3 минути, а потоа извадете ги лукот и ловорот, а млекото оставете го да се излади. Потоа во млекото додајте кисела павлака и малку посолете.
- Кромидот исечкајте го на кругови и динстајте го на путер. Компирите исечкајте ги на тенки кругови.
- Со путер намачкајте подлабок сад за печење. На дното наредете кругови компири, потоа додајте динстан кромид, а потоа повторно наредете компири и зачинете со бибер и сол. Потоа ставете млеко и павлака.
- Садот прекријте го со алу фолија и ставете го во загреана рерна на 180 степени 45 минути.
- Потоа изрендајте сирење и вратете ја мусаката во рерна уште неколку минути.
Добар апетит!
Сигурно не сте пробале: Направете солени рафаело бомбици
Похован кромид со кашкавал – идеално мезе за со пиво
ВИДЕО: рецепт за потпечен полнет компир
Хот-дог шпагети: Одличен рецепт кој и дете може да го направи