Шампињони во бешамел сос

Начин на подготовка:

1. Шампињоните измијте ги, исцедете ги и исечкајте ги на листови. 
2. На маст стакласто пропржете ситно сечкан кромид. 
3. Додајте сечкан лук, па исечкани шампињони и пржете со повремено мешање околу 10 минути. Додајте сол, бибер и сув зачин. 
4. Кога течноста, која ќе ја пуштат шампињоните, ќе почне да се намалува, додајте брашно и пропржете го кратко, мешајќи со лажица. 
5. Наливајте по малку студено млеко, непрекинато мешајќи. Како што сосот ќе се згуснува, доливајте по малку млеко и мешајте. Млеко наливајте додека не ја погодите густината на сосот. 
6. Додајте уште малку сол и сув зачин по вкус, па изрендајте мускатно оревче. 
7. Кога ќе ја добиете саканата густина, тргнете го тенџерето од плотна, додајте кисела павлака и мешајте додека не се растопи во сосот.