За следниот ручек ви предлагаме да подготвите ќофтиња со динстани печурки.
Состојки за ќофтиња:
- 1/2 кг мелено месо
- 1 главица кромид
- 1 чешне лук
- 1 голем рендан компир
- 1 јајце
- 2-3 лажици презла
- бибер по потреба
- сол
- сув зачин
- масло за пржење
Состојки за прилог:
- 500 гр печурки
- 2 главици црвен кромид
- сол
- сув зачин
- бибер
Начин на подготовка:
- Во чинија ставете мелено месо, ситно сечкан кромид и лук, ситно рендан излупен компир, јајце, бибер, сол и зачин по вкус. Добро измешајте и соединете ги сите состојки со месото. Оставете еден час под фолија во фрижидер.
- Со намастени раце обликувајте ќофтиња, извалкајте ги во презла и пржете ги на масло. Ставајте ги на кујнска хартија да ја впие маснотијата.
- Во тава ставете малку масло, додајте кромид исечкан на листови и издинстајте го. Шампињоните излупете ги, исечете ги на листови и додајте во тавата со кромид и динстајте додека не испари сета течност. Побиберете, посолете и додајте зачин по вкус.
Добар апетит!
ВИДЕО: Како да направите крцкави компири на шведски начин
ВИДЕО рецепт: Ќофтиња од компири и туна