Омилените празнични колачиња ќе бидат на вашата трпеза. Ова е универзален рецепт за кекси, кои може да ги правите во различни форми. За Велигден совршени се зајачиња и јајца.
Состојки:
- 500 гр. остро брашно
- 300 гр. меко брашно
- 1 јајце
- 1 жолчка
- 1 белка за украсување
- 1 ванилин шеќер
- 250 гр. шеќер во прав
- 500 гр. маргарин
- 5 лажици млеко
Подготовка:
- Маргаринот мора да е на собна температура.
- Земете пластичен сад, ставете го маргаринот и матете го со шеќер во прав, па додајте ги брашното, јајцето, жолчката и мешајте.
- Замесете тесто и додајте млеко, па уште месете.
- Развлечете го и вадете јајца или зајачиња со калапи.
- Се печат на 180 степени 10-15 минути, во зависност од тоа колку тенко ќе го развлечете тестото.
- За украсување ви требаат белка и шеќер во прав, 200 грама, така што се матат со вилушка, па се ставаат во кесе, се стиска и се шара.
- Стојат и до 15 дена.