Велигден е празник на кој најмногу се радуваат децата. Како би ја зголемиле нивната среќа уште повеќе, направете им чоколадни јајца од здрави состојки и без додаток на разни адитиви.
Состојки:
- 100 гр какао путер
- 90 гр какао во прав
- цимет
- 4 лажици мед
- јаткасти плодови
- ванила
- малку сол
Начин на подготовка:
- За правењето на чоколадни јајца ќе ви биде потребен калап. Ако немате, можете да го направите сами – пресечете пластично јајце по должина на половина, измијте го и имате калап.
- Во поголем лонец загрејте вода до вриење, па во него ставете помал лонец, водејќи сметка со дното да не ја допира врелата вода.
- Во помалиот лонец растопете какао путер, додајте какао, мед, цимет и ванила. Мешајте додека не добиете глатка смеса.
- Подгответе калапи за чоколадни јајца. Кога ќе ги наполните, ќе добиете рамна површина која ќе можете да ја украсите со јаткасти плодови.
- Декорираните јајца ставете ги во фрижидер да стегнат.
Уживајте!
Деталите за подготовка погледнете ги во ВИДЕО РЕЦЕПТОТ во прилог:
Прочитај поврзани Gotvi.mk рецепти:
Трилече – неверојатно вкусен домашен специјалитет
Неодоливо вкусна: Домашна торта со јагоди
Возможно е – еве како да направиш торта за 10 минути
ВИДЕО: Рецепт за еклер чоколадна торта која не се пече
За секоја прослава – Тигар торта