Одличен рецепт за посните денови, но и добра идеја како предјадење за славска трпеза. Многу лесно се подготвува и убаво се сече.
Состојки:
- 3 чаши проино брашно
- 50 мл масло
- 10 гр квасец
- 1/2 кесичка прашок за печиво
- кисела вода
- сол
- 4 кисели краставички
- неколку лажици ајвар
Начин на подготовка:
- Во чинија ставете брашно, додајте сол, масло, прашок за печиво, растопен квасец и замесете со кисела вода. Округла тепсија обложете со хартија за печење.
- На дното ставете третина од смесата, па исечкани кисели краставички, потоа повторно смеса од брашно, па распоредете неколку лажици ајвар и на крај завршете со смеса од брашно.
- Печете на 200 степени 40-45 минути, ако пројата е дебела. Ако плехот е поголем пројата брзо ќе се испече и ќе биде потенка.
Добар апетит!
Деталите за подготовка погледнете ги во ВИДЕО РЕЦЕПТОТ на „Бабина кујна“:
Сигурно не сте пробале: Направете солени рафаело бомбици
Похован кромид со кашкавал – идеално мезе за со пиво
ВИДЕО: рецепт за потпечен полнет компир
Хот-дог шпагети: Одличен рецепт кој и дете може да го направи