Еден од рецептите кои едноставно морате да ги пробате!
Состојки:
- 300-400 гр брашно
- 200 мл млака вода
- 100 гр маргарин на собна температура
- 1 лажичка шеќер
- малку сол
- 1 коцка квасец
- 200 гр мелени ореви
- шеќер по желба за мешање со оревите
- 1 лажица масло
Начин на подготовка:
- Квасецот растопете го во малку млака вода со лажичка шеќер, па измешајте со претходно соединети масло, брашно, сол и остатокот од водата. Замесете меко тесто. Оставете да отстои 15 минути, па развлечете тенко и премачкајте со омекнат маргарин. Свиткајте во ролат па оставете да отстои уште 15 минути.
- Повторно развлечете, малку премачкајте со маргарин и преклопете како книга. Развлечете го тестото на половина сантиметар дебелина, повторно малку премачкајте и пресечете на половина, па сечете триаголници.
- Зашеќерете ги оревите (можете да додадете и едно рендано јаболко и малку цимет во тој фил), па ставајте по лажичка фил во секој триаголник. Свиткајте кифлички, редете ги во плех обложен со хартија за печење, па повторно оставете да отстојат 10-15 минути. Секоја кифличка премачкајте ја со остатокот од растопениот маргарин и печете на 200 степени 20 минути.
- Додека се уште се врели, извалкајте ги во шеќер во прав по желба, иако се многу вкусни и без тоа. Уживајте!
Деталите за подготовка погледнете ги во ВИДЕО РЕЦЕПТОТ на „Бабина кујна“:
Прочитај поврзани Gotvi.mk рецепти:
Трилече – неверојатно вкусен домашен специјалитет
Неодоливо вкусна: Домашна торта со јагоди
Возможно е – еве како да направиш торта за 10 минути
ВИДЕО: Рецепт за еклер чоколадна торта која не се пече
За секоја прослава – Тигар торта