Пита која ќе ве држи сити за постот, а има и супер вкус и арома.
Направете вкусна пита со спанаќ:
Состојки:
- 1 пакување посни кори за пита
- 400 гр спанаќ
- 200 гр шампињони
- 1 кромид
- масло
- сол
- 100 гр тофу
Начин на подготовка:
- Се мие убаво зеленчукот, а на масло се пржи исчистениот и исечкан ситно кромид заедно со исечканите шампињони и измиениот и иситнет спанаќ. На овој начин добивате фил.
- Ставете сол и динстајте ја смесата.
- На дното на намастениот плех се ставаат две кори. Малку згужвајте ги, испрскајте ги со масло и ставете фил, па кори, па изрендано тофу, па кори, па фил и сè така додека има фил и кори.
- Врз последната кора во плехот ставете тофу и печете во загреана рерна на 200 степени додека да порумени.
Добар апетит!
Прочитај повеќе рецепти на Gotvi.mk:
Пита деликатес од три состојки
Топли и ароматични триаголници со кашкавал