Овој брз и едноставен рецепт можете да го подготвите и со телешко и свинско месо.
Состојки:
- 400 гр моркови
- 1 веза млад кромид
- 2 зелени пиперки
- 2 чешниња лук
- 300 гр пилешко месо
- 120 гр ориз
- 1 лажичка масло
- 1 лажичка жолта паста од кари
- 250 гр билна павлака за готвење (може и обично)
- соја сос
- сол
- бибер
Начин на подготовка:
- Зеленчукот исчистете го, морковите исечете на стапчиња, младиот кромид на тенки кругови, пиперките на тенки кругови. Лукот ситно исечкајте го. Пилешкото исечете го на приближно еднакви парчиња.
- Згответе го оризот. На масло пропржете го месото, па извадете го од тава. Во истото масло додајте морков и пиперка и пржете ги околу 4 минути.
- Измешајте млад кромид, пржете уште 2 минути. Вратете го месото, додајте паста од кари и павлака, динстајте уште околу 5 минути. Зачинете го јадењето со соја сос и послужете со ориз.
Добар апетит!
ВИДЕО: Како да направите крцкави компири на шведски начин
ВИДЕО рецепт: Ќофтиња од компири и туна