На овој начин може да се похова било кој вид риба (морска, речна, а одлична е и за сите видови филети), посни ќофтиња, тиквици, црн патлиџан, печена пиперка и уште многу други видови зеленчук. Овој пат ви донесуваме рецепт за поховање риба.
Состојки за поховање 1 кг риба:
- 300 мл пиво
- 5 лажици пченкарен гриз
- 3 лажици пченкарно брашно
- 1 лажица бело брашно + 5 лажици
- 1 лажица презла
- 1/2 лажичка црвена пипер
- 1/2 лажичка лук во прав
- 1 лажичка сув зачин
Начин на подготовка:
- Измешајте пченкарно брашно, гриз, презла и додајте лажица бело брашно, измешајте па додајте сув зачин, лук и црвена пипер. Во друг сад ставете околу 5 лажици бело брашно. Во трет сад ставете пиво.
- Загрејте масло во тава (кое треба да биде барем 1 см во висина) во кое рибата се пече на нешто појако од средна темпратура.
- Извалкајте ги рибите прво во бело брашно, па во пиво, а потоа во мешавината која сте ја направиле.
- Извалкајте ги од сите страни. Спуштајте ги рибите да се печат во масло додека не добијат жолта боја.
- Доколку поховате зеленчук, количината на состојките се менува. Крупните парчиња бараат помалку состојки, додека ситните кои ги има повеќе бараат повеќе состојки. Мешавината е одлична, додека се пече, не отпаѓа.
Добар апетит!
Цезар салата + 2 рецепта за дресинг соса
Свежа салата која топи килограми и ја враќа концентрацијата
Топ 5 рецепти за пролетни салати со марула
Малиџано – одличен домашен рецепт