Направете срце-торта. Ова е сè што ви треба, како и начинот на подготовка:
Состојки:
- 8 јајца
- 11 лажици брашно
- 10 лажици шеќер
- 1 прашок за пециво
- 1 ванилин шеќер
- 1 дл млеко
- 0,5 дл масло
- рендана кора од портокал
Состојки за фил:
- 2 кесички пудинг од јагода
- 1 дл млеко за матење на пудингот
- 500 мл млеко за варење на пудингот
- 1/2 коцка маргарин
- шлаг за украсување
- по желба екстракт од јагода
Начин на подготовка:
- Изматете ги жолчките со шеќерот, додајте млеко и масло, потоа брашното, прашокот за пециво, ванилиниот шеќер и ренданата кора од портокал. На овој начин ќе ја направите смесата за кора.
- Кога смесата убаво ќе се измеша и соедини, изматете ги белките во цврст снег и додадете ги.
- Ставете ја во калап со облик на срце, па печете во загреана рерна на 200 степени, околу 20 минути. Ако немате ваков калап, може и во округол, па лесно ќе ја исечете. Потоа се сече на два дела.
- За фил изматете ги пудинзите во децилитар млеко, па сварете 500 милилитри млеко во кое ќе го додадете пудингот. Кога ќе се излади, ставете го и маргаринот, па добро измешајте.
- Ставете го врз тортата, па одозгора украсете со шлагот. Може да додадете по избор и екстракт од ванила.
Прочитај повеќе Gotvi.mk рецепти:
Домашно тоблероне со кока-кола
Трилече – неверојатно вкусен домашен специјалитет