Вкусот е неодолив, десертот брзо и лесно се прави, а речиси и да нема шанси да не ви успее дури и да сте почетник во кујната.
Еве го рецептот:
Состојки:
- 100 гр лешник наполитанки
- 150 гр лешници (25 цели за внатре, 50 грама за глазура)
- 150 гр чоколадо за готвење
- 200 гр еурокрем
- 100 мл слатка павлака
Начин на подготовка:
- Лешниците се печат кратко на плех за посилен вкус. Се лупат и ситно се сечат, 25 се оставаат на страна за полнење, додека 50 грама од исечените се оставаат на страна за глазура.
- Наполитанките се мелат во блендер, се додаваат сечените лешници, еурокремот, па се замесува смесата додека да се соедини.
- Се става во фрижидер да отстои 30 минути, па се обликуваат топчиња, а во нив се втиснува по еден лешник.
- Чоколадото се топи на пареа со слатката павлака и 50-те грама ситно сечени лешници кои ги оставивме.
- Се ставаат топчињата во глазурата и се оставаат да се стегнат.
- Може да декорирате по желба.
Уживајте во вкусните топчиња 🙂
Прочитај повеќе Gotvi.mk рецепти:
Тече чоколадо, а врз него малини