Традиционалните шпански ќофтиња „албондигас“ се послужуваат во мали садови со чаша вино и кришка леб, но одлични се и во комбинација со тестенини, ориз или палента.
Состојки:
- 4 парчиња леб
- 6 лажици млеко
- 2 лажици пармезан
- 500 гр мелено јунешко месо
- 1 чешне лук
- магдонос
- 1 јајце
- 1 лажица црвена пипер
Состојки за сос:
- 1 главица кромид
- 400 гр пелати домати
- малку црвена пипер
- 200 мл црно вино
- 2 чешниња лук
- сол
- бибер
- маслиново масло
Начин на подготовка:
- Парчињата леб одвојте ги од кората па исечкајте ги на парчиња и ставете ги во голем сад. Прелијте ги со млеко.
- Измешајте месо, леб, пармезан, лук, сечкан магдонос, јајце и пипер. Посолете и побиберете па направете топчиња.
- Загрејте маслиново масло и пропржете ги ќофтињата. Извадете ги и додајте уште малку масло во тавата.
- Пропржете лук и кромид, потоа додајте вино и гответе додека не се редуцира. Ставете пелати, сол, бибер и пипер.
- Гответе 10 минути па вратете ги ќофтињата и продолжете уште 20 минути додека сосот не згусне, а месото не се зготви.
Добар апетит!
ВИДЕО: Како да направите крцкави компири на шведски начин
ВИДЕО рецепт: Ќофтиња од компири и туна