За големиот празник Василица дел од семејства прават пита со паричка, го празнуваат денот како куќна слава или слават именден.
Ви нудиме рецепт за вкусна пита:
Состојки:
- 500 гр готови кори за пита
- 650 гр сирење
- 1 јајце
- 4 лажици кисела павлака
- сол
Состојки за премачкување:
- 1 јајце
- 4 лажици масло
- 4 лажици јогурт
- малку сол
Начин на подготовка:
- Се соединуваат во еден сад сирењето со едно јајце и киселата павлака. Се става и прстофат сол.
- Посебно се матат состојките за премачкување на кората, односно јајцето со маслото, јогуртот и малку сол.
- Се ставаат корите за пита на работната маса, па се сечат по средината. Еден лист се премачкува со смесата за премачкување, па се поклопува со друг лист.
- Одозгора се ставаат две лажици фил.
- Се преклопува питата од сите страни да не излезе филот.
- На овој начин се прават сите кори и се редат во подмачкан плех. Се става одозгора малку масло.
- Печете во загреана рерна на 200 степени додека не порумени.
Инаку, според верувањата за да имате среќа и бериќет, паричката треба да ја чувате до икона, иако многумина ја чуваат во некој предмет или паричник.
Со среќа на сите кои слават!
Прочитај повеќе на Gotvi.mk:
Ова е тајната на совршена домашна пита: Тајната не е во корите, туку…