Направете посни и вкусни колачи кои не само што имаат супер вкус, туку имаат и одличен изглед.
Ова се чекорите за подготовка:
Состојки:
- 150 гр шеќер
- 1 дл вода
- 150 гр мелени лешници
- 150 гр мелени бисквити
- 50 гр какао
- 100 гр маргарин
- 1 кесичка шарени чоколадни бонбони
- 100 гр чоколадо за готвење
- малку масло
Начин на подготовка:
- Во сад ставете го шеќерот да се стопи, односно карамелизира, додајте вода и оставете да се растопи заедно 3-4 минути.
- Додајте ги и лешниците, бисквитите и какаото.
- Тргнете од оган, па додајте ги маргаринот и бонбоните.
- Направете правоаголен колач на фолија, а потоа направете глазура на начин што ќе го стопите чоколадото на пареа со малку масло. Откако ќе се олади колачот, ставете му ја глазурата одозгора.
- Исечете штангли и ставете мрвици во боја или дел од бонбоните горе за украс.
Уживајте во овој чоколаден вкус за сите генерации 🙂
Прочитај повеќе Gotvi.mk рецепти:
Домашно Тоблероне со Кока кола
Трилече – неверојатно вкусен домашен специјалитет
Неодоливо вкусна: Домашна торта со јагоди