Направете вкусен цимет колач за сите сетила. Веднаш ќе се изеде, а најважно од сè, не е тежок за подготовка.
Еве што ви е потребно:
Состојки за кора:
- 3 шолји брашно
- 2 шолји шеќер
- 2 шолји млеко
- 2 кесички цимет
- 1 кесичка сода бикарбона
Фил:
- 6 лажици џем
- 100 гр чоколадо
- 1 лажица рум
Глазура:
- 100 гр чоколадо
- 1/2 мала шолја млеко
- 20 гр маргарин
Начин на подготовка:
- Ставете ги сите состојки за кора, убаво измешајте и соединете ги, па поделете ја смесата на половини. Печете ги половините во загреана рерна на 200 степени по 15 минути.
- Кога кората е готова, извадете ја од шпорет, а во меѓувреме направете фил. Измешајте го чоколадото со џемот, растопете ги кратко на оган, па ставете ги врз кората. Врз нив ставете ја и втората кора.
- Вратете го колачот да се допече уште 15 минути на иста температура.
- Топиме чоколадо со маргарин и млеко и со добиената смеса го поливаме колачот.
- Кога ќе се подолади, исечете на коцки, а одозгора украсете со мрвици, бомбони или нешто друго по желба.
Уживајте во овој вкусен десерт 🙂
Прочитај повеќе Gotvi.mk рецепти:
Домашно Тоблероне со Кока кола
Трилече – неверојатно вкусен домашен специјалитет
Неодоливо вкусна: Домашна торта со јагоди