Зеленчукот и пилешкото можете да го подготвите и да го сервирате на малку поинаков начин од вообичаниот.
Состојки:
- 125 гр ориз
- 1 главица кромид
- 1 пиперка
- 200 гр брокули
- 4 пилешки шницли (од по 150 гр)
- 1 лажица масло
- сок од 1 лимон
- 3 пиперки
- 1/2 лажица густин или лажица брашно
- сол
- бибер
Начин на подготовка:
- Оризот згответе го во солена врела вода 20 минути. Кромидот излупете го и исечете го на парчиња, пиперката на ленти, а брокулите згответе ги во врела супа околу 6 минути.
- Секоја шницла исечкајте ја на парчиња и пржете на масло 2-3 минути. Посолете и побиберете, додајте кромид и пиперка, кратко пропржете сè заедно.
- Брокулите исцедете ги, а течноста тргнете ја на страна. Месото извадете го од тава. Во пржените кромид и пиперка измешајте сок од лимон и 150 мл од супата во која ги варевте брокулите, оставете да се готви 2-3 минути , посолете и побиберете по вкус.
- Згуснете го сосот со разматен густин, вратете го месото и послужете со варен ориз.
Добар апетит!
ВИДЕО: Како да направите крцкави компири на шведски начин
ВИДЕО рецепт: Ќофтиња од компири и туна