Направете вкусен колач кој има провокативно и интересно име – „Свекрвино око”.
Ова е рецептот и начинот на подготовката:
Состојки:
- 100 гр кокос
- 300 гр мелени бисквити
- 200 гр суви смокви
- 100 гр ореви
- 250 гр путер
- 50 гр чоколадо за готвење
- 300 гр шеќер
- 16 лажици вода
Начин на подготовка:
- На смоквите им ги сечеме рачките, ги оставаме во врела вода да омекнат.
- Мелените бисквити се ставаат во длабок сад, а на оган ги ставаме во друг сад водата и шеќерот и правиме шербет.
- Кога ќе биде готов и згуснат, во шербетот ги додаваме путерот и коцките чоколадо за готвење, па смесата ја сипуваме во садот со бисквитите. Мешаме додека да се стопи и соедини смесата.
- Се отвара/сече една смоква и се ставаат две половинки од орев, па ја затвараме, и така правиме со сите смокви.
- Правиме тесто од смесата од садот, а на средина на тестото ставаме смоква и формираме бомбица.
- Убаво ги поминуваме во сад кокос и ги редиме на чинија. Кога ќе се пресечат на пола, внатре делуваат како да има око од смоквата и оревот, па затоа и го добиле ова име.
- Оставете ги во ладилник да отстојат пред да ги сервирате.
Прочитај поврзани Gotvi.mk рецепти:
Трилече – неверојатно вкусен домашен специјалитет
Неодоливо вкусна: Домашна торта со јагоди
Конечно: Највскуниот десерт за кој даваме куп пари: Еве како да го направите дома
Супер рецепт: Леден кафе колач
Нема веќе стоење до шпорет: Колач без печење, совршен за горештините