Направете вкусен појадок од компир и сирење, кој со мирисот ќе ги примами сите да дојдат на трпеза. Совршено оди во комбинација со јогурт или павлака.
Ова се состојките што ви се потребни, како и начинот на подготовка:
Состојки за тесто:
- 2 компири
- 2 јајца
- 150 гр брашно
- 150 гр интегрално брашно
- 200 гр кравјо сирење
- 2 лажици павлака
- малку прашок за пециво
- сол
Состојки за пржење:
- 2 белки
- презла
- масло
Начин на подготовка:
- Се варат компирите и се ситнат со вилушка додека да се направи пире од нив.
- Во сад се ставаат сите останати состојки за тесто. Се додаваат и пире компирите
- Од тестото се прават мали погачици, кои се оставаат кратко да нараснат.
- Во меѓувреме изматете ги белките, па секоја погачица се става во белка, па во презла и на крај се пржи на загреано масло.
- Се ставаат на салфетка за да ја впијат маснотијата.
На здравје и имајте убав и успешен ден 🙂
Повеќе рецепти на Gotvi.mk:
Појадокот со кој Кардашијан ослабе но ги задржа облините
Појадок со кој ќе топите килограми