Ролат од мелено месо, полнет со сирење и чадено месо – идеален за неделен ручек. Подгответе го ден порано и печете го кога ви одговара…
Состојки:
- 700 гр мелено месо по избор
- средина од стар леб
- 1 цело јајце
- 1 лажица сув зачин
- 1/2 лажичка бибер
Состојки за полнење:
- 250 гр ситно сирење
- 200 гр чадено месо
Начин на подготовка:
- Во меленото месо додајте издробена средина од стар леб, јајце, сув зачин и бибер, па со раце убаво измесете.
- Намастете со масло парче алу фолија.
- Ставете го целото месо и со раце обликувајте правоаголник на фолијата, од прилика 30х25 см. Не смее да биде премногу тенко, за убаво да се состави.
- Преку месото наредете чадено месо, а по средината наредете сирење.
- Замотајте во фолија, а во тепсија налијте 100 мл вода. Рерната загрејте ја на 200 степени и ставете да се пече 45 минути.
- После 45 минути тргнете ја фолијата и допечете уште 30 минути, додека не фати кора.
- Изладете го ролатот, па исечете го и послужете.
Добар апетит!
ВИДЕО: Како да направите крцкави компири на шведски начин
ВИДЕО рецепт: Ќофтиња од компири и туна