Ако се храните со ваква храна, сигурно ќе бидете здрави, но и ќе уживате во добриот вкус.
Кус-Кус со зеленчук е јадење кое се подготвува многу едноставно…
Состојки:
- 200 гр модар патлиџан
- 1 лажичка нане
- сол
- 500 мл вода
- 150 гр кус-кус тестенини
- 150 гр шери домати
- 100 гр морков
- 3 лажици сусамово масло
- 250 гр тофу
- 2 чешниња лук
- 100 гр црвен кромид
- 100 гр црвена пиперка
- 100 гр жолта пиперка
- 200 гр тиквици
- 1 лажица сув зачин
Начин на подготовка:
- Во поголема тава на загреано масло препечете исечкан лук и кромид. Додајте морков исечкан на кругови, налијте со малку вода и кратко продинстајте.
- Потоа додајте измиени патлиџани и тиквици исечкани на коцки, додајте и исечкани пиперки. Посипете со зачини, нане и динстајте на слаб оган околу 10 минути.
- Додајте тофу исечкано на коцки, шери домати и продолжете со динстање уште десетина минути.
- Кус-кус тестенините ставете ги во врела, посолена вода, гответе ги 3-4 минути, исцедете ги и додајте ги во зеленчукот.
- Ова едноставно и вкусно јадење послужете го посипено со нане.
Добар апетит!
ВИДЕО рецепт: Ќофтиња од компири и туна
ВИДЕО: Домашен рецепт за паштета од туна која се прави за 3 минути
Брзо посно предјадење за целото семејство