Ако сакате брз и вкусен десерт, тогаш овој рецепт е вистинскиот избор за вас.
Вака се подготвуваат неверојатно вкусните чоколадни триаголници со брусница:
Состојки:
- 5 лажици мед
- 5 лажици шеќер
- 250 гр маргарин
- 200 гр бело чоколадо
- 200 гр мелени бисквити
- 100 гр брусница
- 50 гр суво грозје
Состојки за глазура:
- 100 гр чоколадо
- 4 лажици масло
Начин на подготовка:
- Во сад се ставаат медот, шеќерот и маргаринот и се растопуваат на тивок оган. Се додава и белото чоколадо за да се стопи.
- Се трга смесата од рингла и се додаваат мелените бисквити, брусницата и сувото грозје, па сè се соединува со мешање.
- Се става смесата во плех и се остава да се излади пред да се стави глазура.
- За подготовка на глазурата се топи чоколадото на пареа заедно со маслото, а потоа се прелева глазурата врз колачот.
- Може да направите форми по желба или да украсите со кокос, чоколадни или шарени мрвици…
Уживајте во слаткиот вкус!
Повеќе рецепти на Gotvi.mk:
ВИДЕО: Рецепт за еклер чоколадна торта која не се пече
Домашни крем банани – вкусот на детството
Вкусна обланда со плазма и ореви