Палентата е здраво и вкусно главно јадење, мезе или предјадење. Освен што има супер вкус, многу лесно и брзо се прави, па совршено е за оние кои имаат многу работни обврски.
Ви нудиме рецепт за малку поинаква и ароматична палента, која може да ја приготвите според следниот рецепт:
Состојки:
- 300 гр палента
- 1,5 литар вода
- 4 лажички маслиново масло
- 2 лажици босилек
- 1 лажица иситнет магдонос
- 60 гр изрендан пармезан
- 1 лажица вегета
- 20 гр маргарин или путер
Состојки за сос:
- 100 гр мајонез
- 150 гр кисела павлака
- 1 лажичка куркума
- малку сол
- 1 лажичка магдонос
Начин на подготовка:
- Ставете ја водата во тенџере, па оставете да зоврие со вегетата и маслото. Тргнете ја од оган кога ќе зоврие и постепено со мешање додадете ја палентата.
- Додајте ги пармезанот, потоа босилекот и магдоносот, па добро измешајте. Вратете на оган уште 2-3 минути.
- Врелата палента ставете ја во сад па оладете ја.
- Направете го сосот – Ставете во сад павлака со мајонез, а дојдате и куркума, сол и магдонос. Убаво измешајте и соединете.
- Оладената палента ставете ја на даска за сечење, исечете коцки и потоа испечете ги со малку маргарин или путер, околу 10 минути додека да добијат боја.
- Вака подготвената палента послужете ја со сосот одозгора.
Добар апетит!
Повеќе рецепти на Gotvi.mk:
