Вкусен, здрав и евтин десерт…
Ви донесуваме три начини за подготовка на тиква:
Цела тиква
За да испечете тиква во цело парче потребно е да ја измиете од надвор. Потоа со нож и со вилушка избодете ја тиквата по целата површина, ставете ја на тепсија и печете ја околу еден час на температура од 200 степени.
Ако тиквата е поголема, потребно е подолго печење. Готовата тиква пресечете ја на половина, извадете ги семките и искористете ја за разни рецепти.
Тиква во парчиња
Измијте ја тиквата од надвор, исечете ја на парчиња, наредете ги парчињата на хартија за печење и печете на 200 степени околу 40 минути.
Уште врели посипете ги парчињата тиква со шеќер или мед и послужете. Исто така, може да се користат во подготовка на јадења и колачи.
Тиква на коцки со путер
Излупете ја тиквата, исечете ја на коцки, раширете ја на обложена тепсија, посипете со растопен путер, шеќер и цимет. Печете на 200 степени околу 30 минути.
Деталите за подготовка погледнете ги во ВИДЕО РЕЦЕПТОТ на „Шерпица“: