Направете вкусни пирошки од компир кои се совршено предјадење или мезе за вас и вашето семејство.
Ова е рецептот, како и начинот на подготовка:
Состојки:
- 1 квасец
- 200 мл млеко
- 1 лажичка шеќер
- 400 гр брашно
- 1 лажичка сол
- 1 лажичка вегета
- 2 жолчки
- 200 гр варен компир
Состојки за фил:
- 1 кромид
- 1 лук
- 3 домати
- 100 гр суво димено месо
- 100 гр сирење
- маслиново масло
- оригано
- 2 белки
- презла
Начин на подготовка:
- Прво ставете го квасецот со млекото, шеќерот и две лажици брашно, измешајте и оставете да нарасне.
- Направете тесто со останатите состојки за тесто, смесата со квасец и сварениот компир.
- Оставете да нарасне тестото, околу половина час.
- Развлечете кора, исечете форми на плех.
- Подгответе па ставете по малку фил на секоја форма од тесто. За филот се динстаат лукот и кромидот, се ставаат зачините, се додава изренданиот домат, сувото месо на коцки, потоа сирењето и така се полнат пирошките.
- Обликувајте пирошки, притиснете ги на краевите за да не истечат, па убаво поминете ги во белка и презла.
- Испржете на масло, па исцедете ги на салфетка.
Повеќе на Gotvi.mk: