Пилешка капама е интересно јадење од бело месо и спанаќ. Послужете со павлака или кисело млеко…
Состојки:
- 600 гр пилешки гради
- 1 кг спанаќ
- 2 лажици мешавина од зачини
- 1 главица кромид
- 1 лажица црвена пипер
- масло
- сол
- мелен црн бибер
Начин на подготовка:
- Пилешките гради исечкајте ги на коцки, посолете ги, зачинете ги со мешавина од зачини, побиберете и пржете ги на тава во која претходно сте загреале масло.
- Во тавата налијте 100 мл вода. Главицата кромид исечкајте ја и додајте ја во тавата. Уште еднаш зачинете со мешавина од зачини, додајте црвена пипер и налијте уште 100 мл вода.
- Со масло пропрскајте керамички сад и ставете половина од претходно измиените листови спанаќ. Нанесете половина од содржината од тавата, па преку ставете ги останатите листови спанаќ, па останатата содржина од тавата. Поклопете го керамичкиот сад и ставете го во рерна.
- Печете 60 минути на 220 степени.
- Извадете го садот од рерна и послужете го јадењето на чинии за сервирање со павлака или кисело млеко.
Добар апетит!
ВИДЕО: Како да направите крцкави компири на шведски начин
ВИДЕО рецепт: Ќофтиња од компири и туна