Рецепт за кременадли какви што досега не сте пробале!
Состојки:
- 1 кг кременадли одвоени од коски
- 350 гр ајвар
- 200 гр фета сирење
- 1 голема главица кромид
- сол
- бибер
- 1 коцка за супа од зеленчук
- свеж магдонос
- масло за пржење
Начин на подготовка:
- Месото посолете го и побиберете го па пржете го на врело масло од двете страни по неколку минути.
- Извадете го месото и во истото масло пропржете го кромидот десетина минути додека не омекне.
- Вратете го месото во тавата и прелијте го со топла вода и додајте коцка за супа. Динстајте на умерена температура околу 25-30 минути. Водете сметка да има доволно вода.
- Кога месото ќе омекне додајте ајвар. Измешајте и оставете да крчка неколку минути, па додајте издробено фета сирење.
- На крај посипете со исечкан магдонос.
Добар апетит!