Рецепти за природни, а ефикасни маски за лице за зимските денови

Рецепти за природни, а ефикасни маски за лице за зимските денови

Екстремно ниските температури, студениот ветер и отсуството на сонце во текот на зимските денови предизвикуваат кожата на лицето да стане побледа и да го изгуби свежиот младешки сјај. Покрај тоа, кожата ја губи влажноста и поради константното преминување од студено во затоплени простории, па започнува да се суши, а во некои случаи и да се лупи.

Негата на кожата во зима е задолжителна и во ниту еден момент не треба да биде занемарена. Освен редовната употреба да хидратантен крем, препорачливо е најмалку еднаш неделно да си направите природна маска за лице. Еве неколку рецепти за нежна нега на кожата без користење на хемикалии:

Сува кожа: маска од авокадо, морков и маслиново масло

Сувата кожа е најзасегната од зимскиот студ. За да го освежите, омекнете и разнежните вашето лице, направете си маска од најпрепорачливата состојка за нега на сува кожа – авокадото.

1/2 авокадо
1 голем морков
1 мала лажичка маслиново масло

Сварете го морковот и испрасирајте го. Издлабете го авокадото, помешајте го со морковот, додајте една лажичка маслиново масло и добро испрасирајте ја смесата.

Нанесете ја маската на чисто лице и оставете ја да стои 15 минути. Измијте со млака вода.

Мрсна кожа: маска од тиква, лимон, мед и јајце

Мрсната кожа е голем предизвик во кое било годишно време, не само во зима. Еден од најдобрите домашни третмани за мрсна кожа е маската со тиква. Тиквата е богата со цинк, кој ја контролира масноста на кожата и помага во намалувањето на видливоста на флеките од акни. Тиквата овозможува и нежна ексфолијација на кожата, без да се користат абразивни честички.

2 големи лажици ситно рендана тиква
1 мала лажичка сок од лимон
1 белка од јајце
1 голема лажица мед

Во мал сад измешајте ги состојките и промешајте добро со виљушка или миксер. На чиста кожа нанесете тенок слој од смесата, избегнувајќи ја областа околу очите. Оставете ја маската да дејствува 15-20 минути.

Нормална кожа: маска од лимон и јогурт

Исчистете ги порите на лицето на природен начин со помош на мешавина од сок од лимон и јогурт. Невообичаената смеса ќе ви помогне да добиете почиста и посвежа кожа на лицето.

1 мала лажичка сок од лимон
2 мали лажички јогурт

Откако ќе ги измешате јогуртот и сокот од лимон, нанесете ги на кожата со кружни движења. Нежната масажа ќе ви помогне и да ја подобрите циркулацијата и да се здобиете со здрав блесок. Оставете ја маската на лицето 10-тина минути.

Комбинирана кожа: маска од мед и сок од портокал

Комбинираната кожа е проблематична бидејќи различните делови од лицето треба да се негуваат на посебен начин. Ако користите средства кои премногу ја сушат кожата, оние делови од лицето каде што кожата е посува во текот на зимата може да се зацрвенуваат и да се лупат. Маската со портокал и мед ќе ви помогне да ја омекнете и затегнете кожата на лицето, без да ги иритирате сувите делови.

1 голема лажица мед
1 голема лажица сок од портокал

Затоплете го малку медот за полесно да го измешате со сокот од портокал, а потоа нанесете тенок слој на лицето. Оставете ја маската десетина минути. Измијте со млака вода.

За сите типови кожа: маска од јаболко, морков и маслиново масло

Доколку сакате нежен третман за вашата кожа, направете богат микс од јаболко, морков и маслиново масло.

2 големи лажици ситно рендано јаболко
2 големи лажици ситно рендан морков
1 мала лажица маслиново масло

Затоплете го маслиновото масло, но внимавајте да не биде жешко. Додајте ги морковот и јаболкото и измешајте. Нанесете ја маската на чиста кожа и оставете ја да дејствува дваесетина минути. Измијте со топла вода.

Прочитај повеќе на Gotvi.mk:

ПРАКТИЧНИ СОВЕТИ: Како да отстраните мирис на лук од рацете

Со неколкудневен природен третман повторно до убави и нежни лакти

Белите патики ќе бидат како нови – Еве како едноставно да ги исчистите

БРЗО И ЕВТИНО: Отстранете ги непријатните флеки од пот на вашите алишта

Корисен совет: Како да ги освежите и исчистите сунѓерите и џогерот

Дамки од црвено вино на тепихот? Исчистете ги за миг

Направете природен освежувач за воздух – Потребни ви се само 2 работи

Флеки од мастило или тонер – Потребна ви е само 1 намирница и ќе ги извадите

БЕСПЛАТНО: Домашни средства за чистење флеки и перење на облека

Оставете ги децата да си играат во трева – Има евтин рецепт кој ги вади флеките

Чини само 1 денар – Рецепт со кој ќе ги освежите боите на алиштата

Ви смрдат патиките? Еве кои лекови ги предлагаат читателите

Кулинарски трик – Употребете ја оваа намирница и маслото нема да ви загорува при пржење

Едноставен трик со кој ќе ги избркате мувите од вашиот двор и балкон

ВИДЕО: Рецепт за органска маска за длабинска нега на оштетена коса

10 „убијци“ на вишокот калории

Диетален појадок што ќе ве држи сити

Рецепт за облоги од ѓумбир кои го топат салото на стомакот

ВИДЕО: Направете природен пијалок за слабеење од 4 состојки

Како да ослабете според хороскопскиот знак?

Хороскопските знаци и храната – што треба да јадете, а која храна да ја избегнувате

Кое е омиленото јадење на принцот Чарлс?

Добра идеја – Фотографирајте храна на Instagram и бесплатно јадете каде сакате

ФОТО: Ѕирнете во Eqvita – ресторанот за здрава храна на Новак Ѓоковиќ

ВИДЕО: Драјв маркет – погледнете како ќе изгледа маркетот на иднината