Најздравиот рецепт за печени пиперки во тегла

Направете зимница на најздравиот начин по рецепт на „Бабина кујна“.

Пиперките измијте ги, извадете ги семките и благо испечете ги на шпорет. Пиперките ставете ги во сад, поклопете и оставете ги 1 час, додека не омекнат. Во садот исечкајте лук, листови од магдонос и целер и додајте сол па измешајте.
Мешавината ставете ја во секоја пиперка, па повторно оставете малку да отстои. Во садот ставете 2 л вода, 25-30 гр сол и околу 600 мл алкохолен оцет. Добро измешајте. Пиперките редете ги во тегли и притискајте ги колку да ги собере во теглата.
Додајте неколку зрна бибер и по едно чешне сечкан лук, малку магдонос и целер. Налијте со раствор од оцет и добро затворете со метални капачиња.
Наредете ги теглите во рерна, вклучете ја на 90 степени и наместете го тајмерот на 90 минути. Вклучете ги двата греачи. Оставете ги теглите до наредното утро, а потоа наредете ги со останатата зимница.