Крцкави полнети млади компирчиња од рерна (ВИДЕО)

Начин на подготовка:

1. Младите компири со приближно иста големина исчистете ги, па секој прободете со голема жица за скара или можеби дрвени стапчиња за месо за скара. Прободете ги малку пониско, не на средината, потоа со нож исечете листови по компирите сè додека ножот не удри во стапчето.
2. Во чинија ставете малку масло, додајте зачини и со тоа намачкајте ги компирите, а потоа помеѓу резовите ставете сува сланина. Кога ќе ги наполните наредете ги во плех во кој сте ставиле хартија за печење и посипете ги компирите со пармезан.
3. Прекријте ги со фолија и печете ги на 220 степени околу 30 минути, потоа отстранете ја фолијата и печете на 200 степени околу 10-15 минути убаво да поруменат.