Ако немате идеја за ручек, направете похован свински врат во комбинација со трапист сирење. Ќе бидете воодушевени од вкусовите!
Состојки:
- 4 парчиња свински врат без коски
- 200 гр презла
- 150 гр трапист сирење
- 200 гр брашно
- 2 јајца
- 2 лажици мешавина од зачини
- масло за пржење
- сол
- мелен црн бибер
Начин на подготовка:
- Парчињата свинско месо исчукајте ги, посолете, побиберете и зачинете со мешавина од зачини.
- Во длабок сад разматете јајца. Во садот со презла крупно изрендајте трапист и измешајте.
- Парчињата свински врат побрашнете ги од двете страни, извалкајте ги во разматени јајца и облепете ги со мешавина од презла и трапист.
- Испржете го месото на поголема количина загреано масло.
- Кога месото ќе порумени, парчињата ставајте ги на чинија обложена со хартиени салфети.
- На чинија за сервирање степенасто наредете ги парчињата свински врат, па од горе ситно нарендајте трапист. Декорирајте со ситно изрендан морков и парчиња лимон.
- Послужете со компир пире.
Добар апетит!
Прочитај Gotvi.mk рецепти:
Супер брз и вкусен домашен сос за хамбургер или пилешко
Многу вкусно – потпечена тава со пилешко месо и печурки
Кинеска кујна: Како да зготвите брокула со пилешко