Не сакате да одите по ресторани, не купувате брза храна, но веќе не можете ниту да готвите? Овој рецепт е совршен за вас!
За овој рецепт потребно ви е едно тенџере. Така, освен што јадењето се подготвува многу брзо, потоа нема да имате ниту многу садови за миење.
Состојки:
- 3 лажици маслиново масло
- 4 чешниња лук
- 1 главица кромид, сечкан
- 800 мл конзервиран домат
- 1 рака свеж босилек
- 500 гр тестенина по желба
- 4 шолји вода (960 мл)
- 100 гр рендан кашкавал
- сол
- бибер
- пипер
Начин на подготовка:
- Во голем сад загрејте масло, па на него продинстајте го кромидот и лукот. Додајте ги останатите состојки, прелијте со четри шолји вода, ставете зачини, посолете и почекајте да зоврие.
- Откако ќе зоврие, продолжете со готвење онолку колку што пишува на пакувањето на тестенините.
- Кога ќе биде готово, не треба ништо да се цеди, бидејќи тестенината ќе ја впие течноста, а пастата ќе биде подготвена за послужување.
- Додајте рендан кашкавал и уживајте во брзиот ручек.
ВИДЕО рецепт: Ќофтиња од компири и туна
ВИДЕО: Домашен рецепт за паштета од туна која се прави за 3 минути