Лесна, кремаста и многу вкусна паста.
Состојки:
- 500 гр паста фетучини
- 2 1/2 шолји павлака за готвење
- 1/2 шолја сок од лимон
- 8 лажици путер
- 2 шолји пармезан
- 2 лажички рендана кора од лимон
- прстофат рендано оревче
- сол
- бибер
Начин на подготовка:
- Тестенините ставете ги во врела посолена вода и гответе додека не омекнат, повремено мешајки, околу 4 минути. Потоа процедете ги.
- Измешајте во голема тава 2 шолји павлака за готвење и сок од лимон, додајте путер и мешајте на умерен оган додека путерот не се растопи. Мешајте повремено и гответе околу три минути. Тргнете ја тавата од оган.
- Додајте го сосот во зготвената паста и измешајте. Додајте ја останатата павлака и пармезан, а потоа и кората од лимон, оревчето, сол и бибер. Мешајте ја тестенината со сос на умерен оган додека сосот не згусне, околу 1 минута.
Добар апетит!
ВИДЕО рецепт: Ќофтиња од компири и туна
ВИДЕО: Домашен рецепт за паштета од туна која се прави за 3 минути