Њоките се прават различно во секој регион. Ние ви пренесуваме еден рецепт кој доаѓа од Бабина кујна.
Состојки:
- 200 гр брашно
- 2 компири
- 100 гр сирење
- 1 јајце
- сол
- бибер
- 2 лажици путер
Начин на подготовка:
- Компирите сварете ги во лушпа, па излупете ги и добро изгмечете ги да нема грутки. Додајте сирење, јајце, сол, бибер и брашно
- Сè добро измешајте и развлечете тенко тесто и сечете њоки со нож за пица.
- Во тенџере ставете вода, додајте сол, па кога ќе зоврие полека спуштајте го тестото да се готви.
- Кога њоките ќе испливаат на површина (после 5-6 минути) извадете ги со решеткаста лажица.
Во тенџере ставете путер, па кога ќе се загрее спуштајте ги њоките убаво да се запечат од двете страни. - Послужете како прилог со месо.