За наредниот ручек ви предлагаме вкусни ражничи!
Состојки:
- 500 гр пилешко бело месо
- 200 мл јогурт
- 2 лажици сечкан магдонос
- 1 лажичка сол
- 1/2 лажичка бибер
- 1/2 лажичка ѓумбир
- 2 лажици балсамико
- 2 јаболка
- масло
Начин на подготовка:
- Во јогуртот додајте сечкан магдонос, сол, бибер, ѓумбир и пилешко месо исечкано на коцки. Маринирајте го месото околу 2 часа на студено место. Стапчињата за скара потопете ги во вода и оставете ги да отстојат дваесетина минути.
- Јаболката излупете ги, па исечете ги на мали коцки.
- Месото и јаболката наизменично редете ги на стапчињата, дополнително зачинете, премачкајте со балсамико и масло.
- Печете на загреана грил или тефлонска тава. Вртете ги стапчињата за месото да се испече рамномерно од сите страни.
- Послужете со салата и уживајте!
Домашен рецепт со кој повеќе нема ни да помислите на цвекло од тегла
Релаксирајте се: Чај кој ги опушта мислите и мускулите