Без овој рецепт зимницата не е целосна: Пиперки во павлака

Начин на подготовка:

1. Исчистете килограм пиперки.
2. Пиперките посолете ги од внатре, па по десетина минути исцедете ги од сокот кој го пуштиле.
3. Свежото сирење издробете го со вилушка и по потреба посолете, па со него наполнете ги пиперките до половина и наредете ги исправено во сад.
4. Сварете масно млеко со лажица сол, па додека уште е топло прелијте ги пиперките и добро затворете го садот.
5. Кога ќе се излади и преноќи ставете го во фрижидер.
6. Уште три пати на секои пет дена отстранувајте го вишокот течност, па прелијте со ново посолено и сварено млеко, околу половина литар, повторно да преноќи, па во фрижидер. По три недели чинијата ќе биде полна со цврста павлака.