Чоколадото како лек против кашлица!

Чоколадото, исклучиво темно, не е само омилен десерт туку и делотворен лек против кашлица, тврдат експретите од Кралскиот колеџ во Лондон и кралската „Бромптон болница“.

Доктор Питер Барнс објаснува дека одредени состојки можат да заменат многу лекови и сирупи, а со тоа и да го подобрат квалитетот на животот бидејќи одамна е докажано дека темното чоколадо поттикнува лачење на хормонот на среќа.

Најефикасна во борбата против кашлицата е состојката теобромин, речиси три пати поефикасна од „кодеин“ кој лекарите најчесто го препорачуваат.

За разлика од синтетичките лекови, природната состојка во чоколадото не предизвикува несакани ефекти на кардиоваскуларниот и централниот нервен систем, кои обично се манифестираат со поспаност.