За следниот ручек ви предлагаме да ја направите оваа чорба со прекрасна комбинација на која нема да и одолеете.
Состојки:
- 3 лажици путер
- 350 гр мелено месо
- 1 главица кромид
- 3 чешниња лук
- 7 поголеми компири
- 1,5 л говедска супа
- 2 лажици сув зеленчук за супа
- 1 шолја грашок
- 250 мл пасиран домат
- 50 гр сув домат
- 2 лажици црвена пипер
- оригано
- босилек
- бибер
- вегета
- лута пиперка (по желба)
Начин на подготовка:
- Сушениот домат потопете го во вода и оставете го 30 минути, потоа исцедете и ситно исечкајте го.
На путер издинстајте го ситно сечканиот кромид и лук, потоа додајте го месото и пржете десетина минути. - Додајте го компирот исечен на коцки и се заедно динстајте уште десетина минути на слаб оган, често мешајќи, потоа налејте ја супата и оставете да се вари.
- Кога манџата ќе зоврие додајте пасиран и сув домат, сув зеленчук, грашок, црвена пипер, бибер, оригано и босилек.
- Гответе на слаб оган 40-50 минути, по потреба додавајте по малку вода.
- Додајте вегета по вкус.
- Служете по желба со ситно сечкана лута пиперка.
Цезар салата + 2 рецепта за дресинг соса
Свежа салата која топи килограми и ја враќа концентрацијата
Топ 5 рецепти за пролетни салати со марула
Малиџано – одличен домашен рецепт