ДАЛИ ЗНАЕВТЕ? Три јаболка дневно топат килограми!

Здрав режим на исхрана кој овозможува намалување на телесната тежина. Ова овошје треба да го јадете пред доручек, ручек и вечера.

Јаболко на ден помага да останете здрави, а три можат да ви помогнат да го изгубите вишокот килограми.

Со оваа диета, секоја недела телото ќе ви биде полесно за по еден килограм. Диетата ја осмислила американската нутриционисткаТамиФлин и таа подразбира пред појадок, ручек и вечера изедете по едно јаболко. На овој начин ќе го засилите чувството за ситост и за време на оброкот во организмот ќе внесете помала количина храна.

Јаболката се богати со диетални влакна кои поволно влијаат на варењето и го намалуваат нивото на холестеролот, тие исто така, содржат и флавоноиди кои помагаат во спречување на срцеви заболувања.

За време на овој режим на исхрана, се советува внесување на четири до пет оброци дневно, додека внесување грицки и слатки е забрането. Секој главен оброк би требало да содржи протеини бидејќи тие го намалуваат апетитот и го забрзуваат губењето килограми. Како би ја намалиле желбата за слатки, треба да јадете што повеќе овошје и зеленчук. Од намирниците се препорачуваат уште обезмастен јогурт, обезмастено сирење, зелени салати, брокули, јајца, говедско месо, пилешко месо, мисиркино месо, овес, интегрален ориз.

Со цел овој режим на исхрана да биде што подобар, експертите советуваат и лесно вежбање три до четири пати неделно во траење од 30 минути.

Пример за оброци

Доручек: едно јаболко, омлет од јајца и обезмастено сирење

Ужина: парче обезмастено сирење и чаша обезмастен јогурт

Ручек: едно јаболко, пилешки гради на скара, варени брокули, интегрален ориз.

Ужина: шолја какао

Вечера: едно јаболко, риба на скара, зелена салата