Сите знаат да подготват палачинки, а со малку имагинација, тие можат да станат и сјајно главно јадење. Варијации на темата има многу: полнете ги со шунка и кашкавал, зеленчук, свежо сирење… Се зависи од вашите желби или пак состојките кои ви се на располагање.
Направете палачинки од 2 до 3 јајца, 200 гр глатко брашно, 400 мл млеко и малку сол. Овој пат не ставајте шеќер или кора од лимон.
Состојки за полнењето:
- 200 гр шунка Пекабеско
- 200 гр кашкавал
- оригано
- неколку лажици доматно пире или излупени домати (по желба)
Начин на подготовка:
- Печените палачинки наполнете ги со изрендани кашкавал и шунка, па зачинете. Долниот и горниот крај на секоја палачинка свиткајте кон внатре за да не тече полнењето.
- Подгответе огноотпорен сад и премачкајте со путер, па во него наредете ги палачинките.
- Ставете изрендан кашкавал на врвовите на палачинките.
- Печете 10 – 15 минути на 200 степени и вашиот ручек/вечера е подготвен!
Добар апетит!
Повеќе поврзани рецепти на Готви.мк
Чоко палачинки со крем од ванила и јагоди
Рецепт за палачинки кои можете да ги јадете неограничено
За сите гурмани – Палачинки кватро салами
Американски палачинки по врвен, а едноставен рецепт
Неодоливо вкусна: Домашна торта со јагоди