Нов специјалитет кој го приготви Јулија – Веге пица по домашен рецепт. Се прави во секаква варијанта, и со млечни производи и без нив. Еве како да ја направите:
Состојки за подготовка на тесто:
- 500 гр брашно
- 3 мали лажици сол
- 2 големи лажици шеќер
- 1 квасец или прашок за печиво
- 250 мл вода
- масло за готвење
Состојки за пицата:
- доматно пире
- босилек
- кромид
- пиперка
- моцарела
- модар патлиџан
- тиквичка
- кравји или мешан кашкавал
- кубети од пармезан
- маслинки
- маслиново масло
- лук
- рукола
Начин на готвење:
- Направете го тестото по стандарден рецепт според состојките наведени погоре и оставете го да отстои.
- Наредете го во плех за печење и намачкајте го по целата површина со доматен сос. Ставете насекаде од ситно сечканите ливчиња босилек, како и тенко сечкани парчиња кромид и пиперка.
- Потоа се редат тенко исечените парчиња моцарела, тенко сечканите или на коцки модар патлиџан и тиквичка.
- По вкус и доколку не постите изрендајте малку кравји или мешан кашкавал, како и кубети од пармезан и ставете ја да се пече.
- На половина од печењето премачкајте ги краевите на пицата со смеса од маслиново масло и ситно сечкан лук за шмек и вратете да се допече.
- Откако ќе биде готова, пицата ја вадиме од рерната.
- Врз неа ги ставаме маслинките и листовите рукола.
СОВЕТ: Доколку постите или се храните вегетаријански без консумирање на млечни производи, моцарелата, кашкавалот и кубетите заменете ги со производи од растително потекло.
После ова вкусно јадење, одлично оди добро кафе по вкус 🙂
Прочитајте поврзани рецепти:
ВИДЕО: Пица која се прави во филџан за неколку минути
Детски роденден? Еве брз и вкусен рецепт за мини пици
Посно и вкусно: Фурнарини за 1 минута