„Патлиџан туризам“ – Еве како поминале туристите викендов на грчката граница

Голема фама се крена околу најавите дека грчките цариници вршеле детални контроли на граница, проверувајќи дали туристите внесуваат храна и пијалоци кои не се вакуумирани и не се произведени во земјите од ЕУ.

Gotvi.mk разговараше со десетина туристи кои изминатиот викенд се одлучија да го поминат на некоја од плажите во Грција. Сите кои ние ги прашавме ни кажаа дека немало зголемени контроли за внес на храна, пијалоци и акцизна стока и дека без поголеми проблеми ја поминале македонско – грчката граница.

Тие ни изјавија дека ги почитувале препораките и не носеле храна, но дека никој детално не ги проверувал нивните возила. Не можеа да потврдат дали е тоа поради гужвата која се создаде поради летната сезона и продолжениот викенд.

Gotvi.mk ве потсетува да бидете внимателни каква храна носите кога патувате во Грција бидејќи според законите на ЕУ, забранет е внес на секој прехранбен производ произведен надвор од ЕУ и не е вакумиран.